Íbúaþróun og framtíðarsýn

Skráð af
ritstjorn
-

Fyrir 12 árum bauðst mér að taka sæti á lista Framsóknar og stuðningsmanna þeirra, í tvö kjörtímabil hlaut ég kjörgengi sem vara- og svaðalmaður í bæjarstjórn.  Þó ekki sé langt síðan voru byggingarframkvæmdir litlar og nægar lóðir á Leirunni í byrjun þess tímabils. Fólksfjölgun var lítil og Grunnskólinn og leikskólarnir að anna fjölda nemanda vel, ásamt svigrúmi til fjölgunar yrði þess þörf. Þrátt fyrir lokun á Leikskólanum Óla Prik nokkrum árum áður.  

Þarna er að byrja uppbygging í sveitafélaginu, mjög rólega í byrjun.  Ómögulegt hefði verið að sjá fyrir á þeim tíma þá miklu uppbyggingu sem hefur orðið í sveitarfélaginu á síðustu 4 árum. Í dag er staðan hins vegar þannig að þörf er á nýju íbúðarhverfi með lóðum til úthlutunar sem fyrst og er Leirusvæði 2 lengst komið í skipulagsferli.

Þróunin

Árið 2010 voru íbúar Sveitarfélagsins Hornafjarðar 2.086, bjartsýnustu spár sögðu að þegar 2.300 manna þakið væri rofið yrði komið ákall um uppbyggingu innviða. Sá íbúafjöldi náðist árið 2018. Samkvæmt tölum frá Hagstofunni voru íbúar Sveitarfélagsins Hornafjarðar 2.387, þann 1. janúar 2021 og hefur fjölgað um rúmlega 60 síðan þá en tölur segja að 1. janúar 2022 séum við 2.450. Þetta er mikil fjölgun og spennandi verkefni. Deiliskipuleggja þarf framtíðar íbúðarsvæði sem tekur við af Leirunni samhliða endurskoðun aðalskipulags og hafa þar tillögur frá opnum íbúafundi sem þegar hefur verið haldinn um málið til hliðsjónar.     

Framtíðin

Við skulum samt ekki gleyma því að það er að mörgu að hyggja. Fráveita og gatnagerð er stór hluti kostnaðar sveitafélaga við gerð nýrra lóða. Uppbygging kostar okkur en kemur til baka þegar fram líður. Tekjur sveitarfélagsins er ekki eitthvað sem við viljum þurfa að hafa áhyggjur af, en þurfum að sjálfsögðu að hafa fullan skilning á og passa að fara ekki fram úr eftirspurn í framkvæmdum. Það er eitt að vilja eitthvað og annað að geta. Lögbundin verkefni sveitafélaga eru oft á tíðum kostnaðarsöm og fylgja ekki alltaf nóg að fjármunum frá ríkinu með verkefnunum.

Kæri kjósandi, ég óska eftir umboði þínu til að vinna áfram að þessum málum,  X við B á kjördag. 

Gunnhildur Imsland, heilbrigðisgagnafræðingur

4. sæti á lista Framsóknar og stuðningsmanna þeirra.

Sorpmál

Skráð af
ritstjorn
-

Sorpmál eru gamalt mál og nýtt. Fyrir ekki svo mörgum árum var þetta ekkert flókið. Þú hentir þínu sorpi í ruslatunnuna og hún var hirt og urðað. Nú með betri umhverfisvitund, lögum og reglum er þetta orðið aðeins flóknara. Við flokkum og svo er sumt sorp urðað, annað fer í endurvinnslu og svo framvegis.

Fyrir nokkrum vikum kom út skýrsla sem unnin var fyrir Sveitarfélagið um fyrirkomulag sorpmála í Sveitarfélaginu og það var ekki falleg skýrsla. Niðurstaðan er í raun sú að málaflokkurinn er rekinn í bullandi tapi og verulegar brotalamir á málaflokknum. Það er verk nýrrar sveitarstjórnar að koma böndum á þessi mál og þar er úr vöndu að ráða.

Breytingar á kjörtímabilinu

Fyrir íbúa í þéttbýli þá hefur sennilega stærsta breytingin á líðandi kjörtímabili verið að búið er að fjölga hirðingum á endurvinnslusorpi, en fækka á móti hirðingu almenns sorps.

Í dreifbýlinu hafa orðið þónokkrar breytingar. Við endurvöktum hreinsunardaga að vori og svo er farið reglubundið í ferðir til að sækja rafgeyma og spilliefni. Hætt var að halda úti gáma portum undir járn og timbur vegna slæmrar umgengni og þess í stað býðst nú lögbýlum að fá til sín gám einu sinni á ári. Það verður síðan að meta, í samráði við notendur, hvort það sé fyrirkomulag sem sé komið til að vera eða hvort að önnur lausn henti betur.

Framtíðin

En hver er svo framtíð sorpmála í Sveitarfélaginu? Nú í sumar rennur út samningur við Íslenska Gámafélagið en verið er að vinna í því að framlengja honum til áramóta þar sem ný lög taka gildi þá og réttast að útboð á málaflokknum miðist við þau lög. Þá er rétt að staldra við gera endurbætur á útboði og vanda vel til verka. Einn af þeim hlutum sem ég velti fyrir mér hvort séu æskilegir er hvort að sami aðili eigi að sjá um alla þætti sorpþjónustu á Hornafirði (hirðing, urðun og rekstur Gárunnar).

Finnur Smári Torfason, verkfræðingur, 6. sæti á lista Frasmóknar og stuðningsmanna.

Multicultural council, right decision!

Skráð af
ritstjorn
-

Around 560 people of foreign origin live in the municipality, and they are of approx 40 different nationalities. Nejra’s article on the establishment of a multicultural council in the Municipality of Hornafjörður, which was published in Leiðarhöfði just under a year ago, stated that a clear policy and good management of new residents are necessary. 

Since the establishment of the Multicultural Council in 2021, which consists of 5 representatives of foreign newcomers and the project manager of multi-culture, the representatives have met every other month, and the issues addressed in the meeting are as diverse as they are many.

Human rights policy

The importance of comprehensive policy-making such as human rights policy instead of a specific multicultural policy has been discussed. We consider this to be a sensible approach, as such policy aims to ensure that all human beings enjoy human rights, regardless of origin, ethnicity, color, religion, political opinion, sex, sexual orientation, age, economic status, descent, disability, health, or another status. We are ready to support the work ahead in shaping it.

Increased providing of information

During this election period, much has been achieved in providing information to new residents, and they are much more accessible than before. Among the things that have been done are a tab on the front page of the municipality’s website called “multicultural” where you can find all the primary information for newcomers in electronic forms. Information such as an information booklet about sports and social activities, leisure grants and use of the Nora system, interpreting and translation services, etc. In addition, the “google translate” option is now available, which is an easy way to translate the municipality’s website into 34 languages.

Facebook has also been used to improve the information provided with the establishment of the site “Living in Hornafjörður”, managed by the project manager and representatives of the multicultural council. In the run-up for the election, great emphasis has been placed on new residents being well informed about their voting rights and encouraged to exercise them in the upcoming elections. We encourage the people of Hornafjörður to become members of the site and let others know who can use it. 

The Multicultural Council established to be 

We believe that establishing a multicultural council is the right decision. Significant work has been done there under the excellent management of Hildur Ýr, project manager for multi-culture, and many good ideas and urgent projects are still being developed. We want to continue to see the active participation of residents of different origins from urban and rural areas in projects, committees, and councils on behalf of the municipality. In addition, we believe there is good reason to increase further the conversation between representatives of the multicultural council and elected representatives and establish an annual meeting of the council with the town council.

Íris Heiður Jóhannsdóttir, 5th place on the list of Framsókn and their supporters.

Nejra Mesetovic, 13th place on the list of Framsókn and supporters.

Fjölmenningarráð, rétt ákvörðun!

Skráð af
ritstjorn
-

Hér í sveitarfélaginu búa um 560 manns af erlendum uppruna af u.þ.b. 40 mismunandi þjóðernum. Fram kom í grein Nejru um stofnun fjölmenningarráðs í Sveitarfélaginu Hornafirði sem birt var á Leiðarhöfða fyrir rétt tæpu ári síðan, að skýr stefna og gott utanumhald í málefnum nýbúa er nauðsynleg. Frá stofnun fjölmenningarráðs árið 2021, sem í sitja 5 fulltrúar nýbúa auk verkefnastjóra fjölmenningar, hafa fulltrúar þess fundað annan hvern mánuð og eru málefnin sem þar eru tekin fyrir jafn fjölbreytt og þau eru mörg. 

Mannréttindastefna

Meðal annars hefur verið rætt um mikilvægi heildarstefnumótunar á borð við mannréttindastefnu í stað sérstakrar fjölmenningarstefnu. Við teljum það vera skynsamlega leið enda miðar slík stefna að því að allar manneskjur fái notið mannréttinda án tillits til uppruna, þjóðernis, litarháttar, trúarbragða, stjórnmálaskoðana, kynferðis, kynhneigðar, aldurs, aldurs, efnahags, ætternis, fötlunar, heilsufars eða annarrar stöðu, og erum við tilbúin að styðja við þá vinnu sem framundan er við mótun hennar. 

Aukin upplýsingagjöf

Á þessu kjörtímabili hefur margt áunnist í upplýsingagjöf til nýbúa og eru þær mun aðgengilegri en áður. Meðal annars er nú flipi á forsíðu vefsíðu sveitarfélagsins sem ber heitið „multicultural“ þar sem hægt er að finna allar helstu upplýsingar fyrir nýbúa á rafrænu formi, svo sem upplýsingabækling um íþrótta- og félagsstarf, tómstundastyrk og notkun nora kerfisins, túlka- og þýðingaþjónustu auk margs annars. Auk þess er nú boðið upp á „google translate“ valmöguleikann, sem er einföld leið til að þýða heimasíðu sveitarfélagsins yfir á 34 tungumál. 

Samfélagsmiðillinn Facebook hefur einnig verið notaður til að bæta upplýsingagjöf enn frekar með stofnun síðunnar „Living in Hornafjörður“ sem er stýrt af verkefnastjóra fjölmenningar og fulltrúum fjölmenningarráðs. Nú í aðdraganda kosninganna hefur mikil áhersla verið lögð á að nýbúar séu vel upplýstir um réttindi sín og þeir hvattir til að nýta þau í komandi kosningum. Við hvetjum Hornfirðinga til þess að gerast meðlimir að síðunni og láta aðra vita sem þið teljið geta nýtt sér hana.

Fjölmenningarráð fest í sessi

Við teljum að stofnun fjölmenningarráðs hafi verið rétt ákvörðun og að þar sé mikilvægt starf unnið með góðu utanumhaldi Hildar Ýrar, verkefnastjóra fjölmenningar og eru margar góðar hugmyndir og brýn verkefni enn í mótun. Við viljum áfram sjá virka þátttöku íbúa af ólíkum uppruna úr þéttbýli og dreifbýli í verkefnum, nefndum og ráðum á vegum sveitarfélagsins. Þar að auki teljum við ríka ástæðu til að auka enn frekar samtal fulltrúa fjölmenningarráðs við kjörna fulltrúa og koma á árlegum fundi ráðsins við bæjarstjórn.

Íris Heiður Jóhannsdóttir, framkvæmdastjóri 5. sæti á lista Framsóknar og stuðningsmanna.

Nejra Mesetovic, ferðamálafræðingur og verkefnastjóri, 13. sæti á lista Framsóknar og stuðningsmanna.

Ég vil taka þátt!

Skráð af
ritstjorn
-

Þann 14. maí næstkomandi ganga íbúar Sveitarfélagsins Hornafjarðar til kosninga. Ég skipa sjöunda sæti lista Framsóknar og stuðningsmanna þeirra. Fyrir þá sem ekki vita, heiti ég Þórdís Þórsdóttir og starfa sem sérkennari hjá Grunnskóla Hornafjarðar. Ég er 39 ára gömul og er gift Guðjóni Björnssyni, húsasmið og á með honum tvö börn. 

Ég er alger nýgræðingur þegar það kemur að bæjarmálum og það er helst þess vegna sem ég ákvað að bjóða mig fram til sveitastjórnarkosninga þetta árið. Mig langar til að kynnast betur þessu hlutverki og setja mig inn í málin. Ég tel mig eiga auðvelt með samskipti og get vonandi átt gott samtal við íbúa sveitarfélagsins er varðar málefni sýslunnar, þannig langar mig að leggja mitt af mörkum til þess að móta framtíðarsýn sveitarfélagsins. Ég er mjög bjartsýn á að hingað muni vilja flytja fleira fólk á næstu árum og því er ekki seinna en vænna að ákveða hvernig sé best að skipuleggja ný byggingarsvæði í sveitarfélaginu. 

Þegar ég flutti hingað árið 2009 var aðeins eitt hús til sölu og mörg ár síðan einhver hafði byggt sér hús. Ég sá strax að þetta yrði að breytast ef sveitarfélagið ætlaði sér að stækka og þróast áfram. Nú 13 árum seinna, hafa allmörg hús verið byggð, komið mjög gott úrval af veitingarstöðum og lítur út fyrir að bjartir tímar séu framundan í sveitarfélaginu okkar. 

Eitt af því sem heillaði mig við Höfn (fyrir utan náttúrufegurðina) var að hér var allt til staðar sem uppfyllti mínar grunnþarfir þ.e.a.s hér var fínasta matvörubúð, frábær sundlaug og góð líkamsræktarstöð. Nú er miðsvæðið í skipulagsferli, og áætlar sveitarfélagið að byggja m.a. nýja líkamsræktarstöð og nýtt íþróttahús. Fyrsti áfangi felst í því að byggja nýja líkamsræktarstöð og er það vegna þess að dágóð upphæð fer nú þegar í að styrkja núverandi líkamsræktaraðstöðu í Sporthöllinni. Mikill rekstarsparnaður mun hljótast af því að byrja á byggingu líkamsræktarstöðvar og því tilvalið að nýta tímann í að hefja þá byggingu strax meðan verið er að útfæra nýtt íþróttahús á sem bestan hátt. 

Ég mæli því eindregið með því fyrir ungt fólk að setjast hér að. Hér er gott að búa og ala upp börn. Ég hlakka til að taka þátt í að móta framtíðarsýn samfélagsins með ykkar stuðningi við Framsókn og stuðningsmenn þeirra á kjördag, X-B!

Þórdís Þórsdóttir, sérkennari.

7. sæti Framsóknar og stuðningsmanna þeirra

Hornafjörður – til sjávar og sveita

Skráð af
ritstjorn
-
Gunnar Ásgeirsson

Gunnar Ásgeirsson heiti ég og skipa 3. sæti lista Framsóknar og stuðningsmanna þeirra. Ég er uppalinn Hafnarbúi en er nú búsettur í Nesjum. Ég er menntaður sjávarútvegsfræðingur og er mitt aðalstarf við sjávarútveg. Einnig er ég með búskap heima þar sem ég bý með nokkrar kindur, hross og tvo fjárhunda. Búskapurinn, ásamt útivist og tónlist eru mín aðal áhugamál. Í gegnum tíðina hef ég verið þáttakandi í tónlistarlífi á Höfn, meðal annars sem undirleikari hjá Gleðigjöfum, kór eldri Hornfirðinga frá 12 ára aldri, þó með hléum.

Hlúum að atvinnu í sveitum

Í sveitarfélaginu hefur atvinnuástand verið gott þó svo að heimsfaraldurinn hafi sett strik í reikninginn síðastliðin tvö ár. Á sama tíma sköpuðust tækifæri. Hér hafa skapast ný störf, sum hefðbundin en önnur ný fyrir tilstuðlun nýsköpunar og þróunar. Það er mikilvægt fyrir okkar samfélag að hér séu frumkvöðlar studdir sín fyrstu skref. Í sveitum hefur bændum farið fækkandi á síðustu misserum og eru blikur á lofti um að þróunin verði þannig áfram, landbúnaðarkerfið á Íslandi er þungt og verð á aðföngum hækkar. Okkur er nauðsynlegt að halda byggð í sveitum og reynir því á íbúa sveitanna að hugsa út fyrir rammann til að sjá sér fyrir lífsviðurværi. Síðastliðið haust lauk hér langri sögu búfjárslátrunar. Þurfa því bændur nú að senda búpening sinn um langan veg til að fá þeim slátrað. Á teikniborðinu er þjónustusláturhús sem á að rísa á Höfn. Það er draumur minn að bændur sjái tækifæri í því og muni nýta sér þá þjónustu til að byggja upp aðstöðu til matvælavinnslu heima fyrir og tryggja með því atvinnu og auka verðmætasköpun hér á svæðinu sem er mikilvægt. Sveitarfélagið hefur einnig greitt götu þeirra sem sækjast í störf án staðsetningar. Þar er sóknartækifæri fyrir Hornfirðinga og er vonandi að sem flestir nýti sér í framtíðinni að geta búið í Sveitarfélaginu Hornafirði og stundað atvinnu við hæfi. 

Hugsum stórt og stækkandi

Á kosningadag, þann 14. maí næstkomandi, gefst íbúum sveitarfélagsins tækifæri til að kjósa um nýtt aðal- og deiliskipulag um þéttingu byggðar í Innbæ. Þar er kosið samkvæmt ósk íbúa og er liður í auknu samtali við íbúa sem Framsókn og stuðningsmenn þeirra hafa stuðlað að m.a. með breytingu á hlutfalli kjósenda sem óskað geta eftir almennri atkvæðagreiðslu samkvæmt 65. gr. í samþykktum sveitarfélagsins úr 25% í 20%. Þétting byggðar á Höfn hefur verið í umræðunni í langan tíma og er kominn tími á að niðurstaða fáist svo hægt sé að halda áfram veginn. Á síðustu árum hefur mikil uppbygging átt sér stað í sveitarfélaginu, hvor tveggja í þéttbýli og dreifbýli. Engin teikn eru á lofti um að áhugi á frekari uppbyggingu fari dvínandi. Því verður að skipuleggja stærra og meira íbúðahverfi á Höfn og verður það að gerast hratt. Í nýju skipulagi þarf að gera ráð fyrir nýjum þjóðvegi í þéttbýli, sem er brýnt að við fáum í gegn fljótt þar sem það er grundvöllur þess að losna við þungaumferð í gegnum bæinn og stuðla þannig að auknu umferðaröryggi. Þungaumferð í kringum skóla og íþróttamannvirki þar sem unga fólkið okkar er gangandi er ekki boðleg. Í nýju skipulagi þarf einnig að gera ráð fyrir annarri þjónustu og innviðum til að anna vaxandi samfélagi. Ekki má gleyma uppbyggingu í sveitum, en halda þarf áfram með deiliskipulagningu í dreifbýli svo fólki gefist kostur á að byggja sér híbýli utan þéttbýlisins. Í skipulagsmálum þarf að hugsa stórt til að hlúa að þeim vilja til uppbyggingar sem hefur verið hér til staðar á síðustu misserum.

Hvað er best að kjósa?

Það er mikilvægt fyrir íbúa sveitarfélagsins að hafa á bak við sig þéttan og breiðan hóp fólks sem samanstendur af reynslumiklu fólki í sveitarstjórnarmálum og öðrum sem koma ferskir inn í starfið með nýja sýn á hlutina. Á lista Framsóknar og stuðningsmanna þeirra er fólk sem kemur úr öllum áttum en á það sameiginlegt að láta sig byggðina sína og þróun hennar varða.

Gunnar Ásgeirsson, bóndi og vinnslustjóri
3. sæti Framsóknar og stuðningsmanna þeirra

Miðsvæði Hafnar – íþróttamannvirki

Skráð af
ritstjorn
-

Lengi vel hefur verið kallað eftir framtíðarsýn hjá sveitarfélaginu varðandi helstu framkvæmdir og er hún nú á lokametrunum hvað varðar miðsvæði Hafnar, þótt að vissulega hafi hún tekið lengri tíma en áætlað var. Um er að ræða áætlun og framtíðarsýn til næstu áratuga.

Mánudaginn 21. mars var kynningarfundur í Heppuskóla á deiliskipulagi á miðsvæði Hafnar og teikningum á fyrirhugaðri viðbyggingu við Sundlaug Hafnar fyrir líkamsræktaraðstöðu. Með umræddu deiliskipulagi er horft til framtíðar í bæði íþrótta- og skólamálum með heildstæða nálgun að markmiði.

Við skipulagsvinnuna hafa börn og ungmenni í Grunnskóla Hornafjarðar verið sérstaklega boðin til þátttöku þar sem skipulagsstjóri heimsótti alla bekki grunnskólans, safnaði upplýsingum og ábendingum frá nemendum sem teknar eru með í vinnuna.

Góð mæting var á kynninguna auk þess sem henni var einnig streymt. Umræðan á fundinum var að mestu um forgangsröðun milli íþróttahúss og skólahúsnæðis. Eftir kynninguna hafa komið fram ýmsar vangaveltur varðandi forgangsröðun uppbyggingar samkvæmt deiliskipulaginu sem ekki voru bornar fram á fundinum.

Sundlaug og líkamsrækt

Fljótlega í skipulagsferlinu var ljóst að menn vildu sjá líkamsræktina í tengslum við sundlaugina og var hún staðsett vestan við sundlaugina. Með því er hægt að samnýta búningsklefa með sundlauginni. Sú staðsetning gerir það að verkum að hægt var að hefja vinnu við hönnun líkamsræktar mun fyrr en ella, þ.e. samhliða deiliskipulaginu. Með því nýttist tíminn á meðan verið var að skoða málin varðandi húsnæðisþörf grunnskólans til framtíðar og síðan skipuleggja svæðið undir skólann innan um íþróttamannvirkin þannig að eitt útilokaði ekki annað. Mikilvægt er að ítreka að unnið var eftir niðurstöðum þarfagreiningar stýrihóps sem leiddi í ljós að stærð líkamsræktar þyrfti að vera um 600 fm. Fyrirhuguð bygging er um 680 fm. með hugsanlegum stækkunarmöguleika til vesturs.

Auk þessa felur viðbygging við sundlaugina í sér tækifæri til að bæta við nýrri búningsaðstöðu fyrir fatlaða, þá sem þurfa aðstoð einstaklings að gagnstæðu kyni í búningsklefa og/eða vegna einhverra annarra ástæðna geta ekki nýtt karla- eða kvennaklefa. Með þessu bætir sveitarfélagið aðgengi allra að sundlauginni.

Íþróttahús

Uppbygging samkvæmt deiliskipulaginu mun fara fram í nokkrum áföngum. Líkamsræktaraðstaðan er fyrsti áfangi að óbreyttu. Nýtt íþróttahús sem inniber einnig vallarhús og stúku fyrir Sindravelli er í dag á 3 ára framkvæmdaáætlun sveitarfélagsins. Gert er ráð fyrir hönnun á næsta ári og að framkvæmdir eigi að geta hafist árið 2024. Íþróttahúsið okkar er barn síns tíma og löngu kominn tími á úrbætur.  Salurinn er lítill og áhorfendaaðstaðan ekki góð.  Eftir gott gengi í meistaraflokki karla í körfubolta og öflugu starfi í blakdeildinni undanfarin ár er eðlilegt að undiraldann um nýtt íþróttahús sé sterk.  

Gervigras

Þá hefur líka verið lagt inn í umræðuna að mikilvægt sé að setja gervigras á Sindravelli vegna þess að KSÍ stefnir nú á að hefja Íslandsmót í knattspyrnu í mars á 11 manna velli.  Flest svæði á Íslandi búa við aðgengi að 11 manna gervigrasvelli en eins og staðan er í dag þá þurfa okkar iðkendur annaðhvort að fara um langan veg á Austfirði eða á Selfoss til að spila á slíkum velli.  Ef við gerum ekkert þá þurfa bæði yngri- og meistaraflokkar að spila fyrstu heimaleiki tímabilsins utan sveitarfélagsins. Mikill áhugi er á því að leysa þetta mál sem fyrst. Verið er að afla upplýsinga um kostnað við slíka framkvæmd til að átta sig á umfangi þess.

Ábyrg fjármálastjórn

Best væri að geta gert allt strax.  Við viljum hins vegar tryggja að fjármál bæjarins séu í góðu horfi eins og við teljum okkur geta státað af síðustu ár.  Við höfum afl til að framkvæma en það þarf að gera á ábyrgan hátt, að undangengnu samráði og samtali við alla hagsmunaaðila. Við teljum okkur hafa lagt okkur fram við það en erum auðvitað alltaf reiðubúinn að bregðast við aðstæðum, hlusta á rök og sjónarmið annarra í þessu máli sem öðrum.

Ásgerður K. Gylfadóttir, formaður bæjarráðs, Björgvin Óskar Sigurjónsson, varaformaður bæjarráðs og fræðslu- og tómstundanefndar og Íris Heiður Jóhannsdóttir, formaður fræðslu- og tómstundanefndar. Höfundar eru einnig frambjóðendur Framsóknar og stuðningasmanna í 1., 2. og 5. sæti fyrir sveitarstjórnarkosningarnar 14. maí n.k.

Er ekki bara best að taka þátt!

Skráð af
ritstjorn
-

Nú er undirbúningur kosninga 14. maí n.k. kominn á fulla ferð. Öflugur hópur frambjóðenda vinnur nú málefnavinnu þar sem viðhorf þeirra sem eru að koma nýjir inn í sveitarstjórnarmálin og reynsla þeirra sem hafa verið á þeim vettvangi er lögð saman.

Framboð Framsóknar og stuðningsmanna þeirra vill gjarnan bjóða íbúum að taka þátt í vinnunni og heyra þeirra sjónarmið til málefna sveitarfélagsins. 

Á morgun laugardaginn 2. apríl verður opinn málefnafundur framboðsins í kosningaskrifstofunni okkar frá kl.11-13 sem að þessu sinni verður í Viðreisn, kaffistofunni í skemmunni við Víkurbaut. Ég hvet íbúa til að mæta og taka þátt í að móta stefnu Framsóknar og stuðningsmanna til næstu fjögurra ára.

Staða fatlaðs fólks í sveitarfélögunum

Í gær fimmtudaginn 31. mars buðu Öryrkjabandalag Íslands og Landssamtökin Þroskahjálp til opins fundar með framboðum til sveitarstjórnar í Nýheimum á Höfn. Fulltrúar ÖBÍ og Þroskahjálpar fluttu erindi fyrir okkur og köllu eftir áherslum framboðanna í málefnum fatlaðs fólks.

Margar góðar ábendingar komu fram  um það sem vel er gert og hvað betur má fara bæði í þjónustu við fatlaða og varðandi upplýsingagjöf. Fundurinn var mjög upplýsandi og áhugaverður og mun nýtast vel í málefnavinnunni framundan í velferðarmálum.

Það er mjög gott bæði fyrir okkur frambjóðendur og félagasamtök sem þessi að koma saman og fara yfir stöðu mála, áskoranir og tækifæri.

Ásgerður K. Gylfadóttir, formaður bæjarráðs og frambjóðandi í 1. sæti Framsóknar og stuðningsmanna þeirra í Sveitarfélaginu Hornafirði

Öflug Framsókn í Sveitarfélaginu Hornafirði

Skráð af
ritstjorn
-

Framboðslisti Framsóknar og stuðningsmanna þeirra fyrir sveitarstjórnarkosningarnar 14. maí n.k. var samþykktur á félagsfundi Framsóknarfélags Austur-Skaftfellinga þann 24. mars sl.

Ásgerður Kristín Gylfadóttir, hjúkrunarfræðingur og formaður bæjarráðs leiðir listan, í öðru sæti er Björgvin Óskar Sigurjónsson, byggingartæknifræðingur og bæjarfulltrúi, í þriðja sæti er Gunnar Ásgeirsson, vinnslustjóri hjá Skinney Þinganesi hf. og í fjórða sæti er Gunnhildur Imsland, heilbrigðisgagnafræðingur hjá HSU á Höfn.

Listann skipar kraftmikill hópur reynslumikils fólks og nýliða, með fjölbreyttan bakgrunn sem brennur fyrir öflugu og góðu samfélagi í Sveitarfélaginu Hornafirði. Kosningaskrifstofa framboðsins verður í Viðreisn, kaffistofunni í skemmum við Víkurbraut 1.

Framundan eru fundir með íbúum um málefni sveitarfélagsins þar sem áhugasömun gefst tækifæri til að taka þátt í sefnu framboðsins og þau verkefni sem framundan eru.

Listinn í heild sinni:

1. Ásgerður Kristín Gylfadóttir, 53 ára. Hjúkrunarfræðingur og formaður bæjarráðs.

2. Björgvin Óskar Sigurjónsson, 40 ára. Byggingartæknifræðingur og bæjarfulltrúi.

3. Gunnar Ásgeirsson, 31 árs. Vinnslustjóri hjá Skinney-Þinganesi hf.

4. Gunnhildur Imsland, 53 ára Heilbrigðisgagnafræðingur hjá HSU á Höfn.

5. Íris Heiður Jóhannsdóttir, 46 ára. Framkvæmdastjóri IceGuide ehf.

6. Finnur Smári Torfason, 35 ára. Tölvunarfræðingur hjá Kivra.

7. Þórdís Þórsdóttir, 39 ára. Sérkennari hjá Grunnskóla Hornafjarðar.

8. Bjarni Ólafur Stefánsson, 36 ára. Vinnslustjóri hjá Skinney-Þinganesi hf.

9. Guðrún Sigfinnsdóttir, 50 ára. Móttökuritari hjá HSU á Höfn.

10. Arna Ósk Harðardóttir, 53 ára. Skrifstofumaður hjá Rafhorn ehf.

11. Lars Jóhann Andrésson Imsland, 47 ára. Framkvæmdastjóri East Coast Travel ehf.

12. Aðalheiður Fanney Björnsdóttir, 50 ára. Leikskólakennari á Sjónarhóli á Höfn.

13. Nejra Mesetovic, 25 ára. Ferðamálafræðingur og verkefnastjóri hjá Markaðsstofu Suðurlands.

14. Ásgrímur Ingólfsson, 55 ára. Skipstjóri á Ásgrími Halldórssyni SF-250 og forseti bæjarstjórnar.

Stjórn Framsóknarfélags Austur- Skaftfelinga.

Hringrásarhagkerfi, skref fyrir skref

Skráð af
ritstjorn
-

Umhverfis- og loftslagsmál eru ein af megin stoðum stefnumótunar sveitarfélagsins –„Hornafjörður, náttúrulega!“ Þar er áherslan á að sveitarfélagið sé leiðandi í umhverfis- og loftslagsmálum. https://www.hornafjordur.is/media/stefnur/20210622-Hornafjordur-natturulega.pdf

Unnið hefur verið að fjölmörgum skrefum að bættri úrgangsstjórnun í átt að hringrásarhagkerfinu á síðustu árum með góðum árangri á fjölmörgum sviðum.  Sorpflokkun við heimili hefur fest sig í sessi og hafa íbúar staðið sig vel. 

Sameiginlegt verkefni

Um tuttugu fyrirtæki taka þátt í Loftslagsyfirlýsingu Sveitarfélagsins Hornafjarðar og Festu – miðstöðvar um sjálfbærni og samfélagsábyrgð, um stuðning við loftslagsaðgerðir fyrirtækja og stofnanna í sveitarfélaginu sem undirrituð var þann 26. febrúar 2021.

Auk þessa eru ýmis verkefni í gangi í sveitarfélaginu á vegum íbúa og félagasamtaka s.s. Hirðingjarnir, Pokastöðin Hornafjörður, Gróska – félagslandbúnaður og Umhverfissamtök Austur-Skaftafellssýslu sem miða öll að eflingu hringrásarhagkerfisins með endurnýtingu og sjálfbærni að leiðarljósi.

Öll þessi verkefni styðja við þá stefnu að Sveitarfélagið Hornafjörður sé framfaradrifið sjálfbært fyrirmyndar samfélag þar sem fólk býr í sátt og samlyndi við náttúruna. 

Greining úrgangsstrauma

Í júlí 2021 fékk sveitarfélagið styrk frá Umhverfis- og auðlyndaráðuneytinu í verkefnið Nytjasmiðja Hornafjarðar, hluti af því er að greina úrgangsstrauma í sveitarfélaginu. Þar með talið þróun úrgangsmála, m.t.t.  magns endurvinnslu og urðunar sorps. Greiningarvinnan er langt komin og benda fyrstu niðurstöður til þess að bæta þurfi ferla við skráningu og móttöku sorps frá fyrirtækjum og stofnunum. 

Ný löggjöf tekur gildi

Þann 1. janúar 2023 taka gildi ný lög til eflingar hringrásarhagkerfisins sem miða að því að gera enn betur í endurnotkun, endurvinnslu og að draga úr urðun sorps. Greiningin sem unnið er að og þær úrbætur sem koma í kjölfarið munu auðvelda sveitarfélaginu að aðlagast þeim breytingum sem innleiðing langanna kallar á. Áherslan er á að „þeir borga sem menga“ því felst aukinn hvati í því að draga úr neyslu, endurvinna og endurnýta sem mest.

Samband íslenskra sveitarfélaga styður þétt við sveitarfélögin í landinu við undirbúning innleiðingar laganna og geta áhugasamir kynnt sér málið betur á síðu Sambandsins um verkefnið https://www.samband.is/verkefnin/umhverfis-og-urgangsmal/innleiding-hringrasarhagkerfis/

Verkefnið framundan er okkar allra, vinnum saman af framsækni með virðingu fyrir umhverfinu og samfélaginu sem við búum í.

Ásgerður K. Gylfadóttir, bæjarfulltrúi og formaður bæjarráðs.

1...678...17Síða 7 af 17
© Framsóknarfélag Austur-Skaftafellssýslu